နိုင်ငံ့ပကတိအခြေအနေအတွက် ကျွန်တော်မြင်မိတဲ့ အချက် ၁၀ ချက်

************🖤🖤🖤🖤****************

၁။ R2P တွေ နိုင်ငံတကာတပ်တွေ UN တပ်တွေ၊

နိုင်ငံတကာဗုံးကြဲလေယာဥ်တွေ မျှော်လင့်ဖိတ်ခေါ်

နေကြတဲ့သူတွေရဲ့ ဆန္ဒတွေ ပြည့်စရာမရှိပါ။

ဒီလိုတပ်တွေ ဝင်လာနိုင်စရာ လုံးဝ လုံးဝ မရှိပါ။ 

၂။ R2P အသံကြားလို့ နေပြည်တော်ကနေ 

ထွက်ပြေးလာတယ်လို့ ဖွနေတဲ့ ကားတန်းကြီးဟာ 

CDM လုပ်နေတဲ့ ဝန်ထမ်းတွေကို သတ်မှတ်ကာလစေ့လို့ အဆောင်ကနေ တိုက်ခန်းကနေ နှင်ထုတ်ခံရတဲ့ 

ဝန်ထမ်းတွေလို့ သိရပါတယ်။ အစိုးရရဲ့ CDM နောက်ဆုံးရက်ဟာ မတ် ၆ ရက် နောက်ဆုံးပါ။ အဲဒီနေ့က စနေလည်းဖြစ်နေတော့ သောကြာနေ့မှာ နှင်ထုတ်ခံရတဲ့ ဝန်ထမ်းတွေ နေ့ချင်းပြန်ကြတဲ့သဘောပါ။ 

၃။ CRPH က ဝေ့လည်ကြောင်ပတ်ထုတ်ပြန်ထားတဲ့ ၂၀၀၈ ဖွဲ့စည်းပုံဖျက်သိမ်းရေးနဲ့ပတ်သက်ပြီး လက်ရှိ

ဦးဆောင်နေတဲ့သူတွေဟာ အရင်တုန်းက CEC အဆင့်

မရှိခဲ့သလို အရံ CEC အဆင့်လည်း မရှိသူတွေပါ။ အဲဒီလူတစ်စုရဲ့ထုတ်ပြန်ချက်ဟာ ၂၀၀၈ ခြေဥအောက်မှာပဲ အာဏာပြန်ယူချင်နေတဲ့ ဒေါ်အောင်ဆန်းစုကြည်ရဲ့ဆန္ဒနဲ့ လွဲချော်နေသလို လူထုကို ကိုယ့်ဘက်ပါလာအောင် မက်လုံးပေးတာကလွဲရင် ခိုင်မာတဲ့ 

ထုတ်ပြန်ချက်မဟုတ်ပါ။ 

၄။ နိုင်ငံတကာက တပ်မတော်ရဲ့ တစ်နှစ်အတွင်းရွေးကောက်ပွဲ ပြန်လုပ်ပေးမယ်ဆိုတဲ့ ကတိကဝတ်နဲ့ NLD ထိပ်ပိုင်းခေါင်းဆောင်တချို့ကို ဘာလုပ်မလဲဆိုတဲ့ အဖြေကို စောင့်ကြည့်နေတာပါ။ လက်ရှိအခြေအနေမှာ တပ်ချုပ်အနေနဲ့ ပေးထားတဲ့ကတိတည်ခြင်းအားဖြင့် 

၂၀၂၂ ရွေးကောက်ပွဲကို ဘယ် လထဲမှာ လုပ်ဆောင်ပေးပါ့မယ်လို့ အကြမ်းဖျဥ်းကတိပြုနိုရင် ပြည်တွင်းပြည်ပ ဖိအားတွေက သက်သာလာနိုင်ပါတယ်။

၅။ လက်ရှိတိုက်ပွဲ နိုင်နေတယ် ထင်ကြပေမဲ့ 

တပ်မတော်ဘက်က ၈၈၈၈ ကာလလို ဖြိုခွဲပစ်ခတ်တာ၊ ရေဖြတ်၊ မီးဖြတ်၊ သန့်ရှင်းရေးဝန်ဆောင်မှုဖြတ်၊ အစားအစာဖြတ်ပြီး မာရှယ်လော ထုတ်တဲ့အဆင့်မျိုး 

မရောက်သေးသလို ဖမ်းမိထားတဲ့ ဆန္ဒပြသူတွေကို 

ပြန်လွှတ်ပေးနေတာပါ။ ဦးနေဝင်းလက်ထက်

လူရာထောင်ချီသေဆုံးခဲ့တဲ့ ဆန္ဒပြမှုတွေ၊ ဦးသန်းရွှေလက်ထက် လူရာထောင်ချီသေဆုံးခဲ့တဲ့ 

ဆန္ဒပြမှုတွေမှာတောင် ဘယ် UN တပ်၊ ဘယ် နိုင်ငံတကာတပ်၊ ဘယ် R2P မှ မဝင်ခဲ့တာ သတိပြုပါ။ 

၆။ မြန်မာနိုင်ငံအခြေစိုက် နိုင်ငံတကာက 

သံရုံးဝန်ထမ်းတွေကို ဖိတ်ခေါ်ပြီးတော့ ပြည်တွင်းက ဆန္ဒပြလှုပ်ရှားမှု အခြေအနေတွေကို ၄ ရက်နေ့က 

လိုက်ပြတယ်လို့ သတင်းတချို့က ဆိုပါတယ်။ 

အဲဒါကြောင့် ၄ ရက်နေ့က အသေအပျောက် နည်းပါးစွာ၊ ဖမ်းဆီးခံရမှုနည်းပါးစွာနဲ့ အေးချမ်းစွာပြီးဆုံးခဲ့တာပါ။ မိုးပေါ်မှာဝဲနေတယ်ဆိုတဲ့ လေယာဥ်တွေဟာ မြေပြင်အခြေအနေသိရအောင် နိုင်ငံတကာသံအရာရှိတွေ တင်ဆောင်လာနိုင်တယ်ဆိုတဲ့ အခြေအနေကို 

မြင်ရပါတယ်။ ထွက်နေတဲ့သတင်းအများစုဟာ 

Confirm လုပ်ရခက်သလို emotion ဖယ်ခွာပြီးတော့

သုံးသပ်နိုင်အောင် ကြိုးစားရတာ မလွယ်ပါ။

လူပြိန်းကြိုက် သတင်းအတုတွေကို False Hope တွေနဲ့ ဖြီးဖြန်းရေးရတာမျိုးနဲ့ လူ​ကြိုက်များအောင် ရေးရတာ

အရမ်းလွယ်သလောက် မှန်ကန်တဲ့သတင်းတွေကို

အဆဲခံရေးရတာ အဖမ်းခံရနိုင်ခြေရှိလျက်ရေးရတာ

လုံးဝ လုံးဝ မလွယ်ပါ။ ကိုယ် မြင်မိသလို ကိုယ်တိုင်

နားလည်ထားသလို အများနားလည်အောင် ကြိုးစားပြီး

ရေးပေးရတာ ပိုလို့မလွယ်ပါ။ 

၇။ ၁၉၉၀ ရွေးကောက်ပွဲမှာ NLD ပါတီဟာ ရွေးကောက်ပွဲအနိုင်ရခဲ့ပေမဲ့ အာဏာမရခဲ့တာက 

ခြေဥမရှိလို့ပါ။ တပ်ဘက်က NLD ဦးဆောင်ပြီး 

ခြေဥရေးဖို့ ခြေဥရေးပြီးမှ အာဏာရယူဖို့ပြောပေမဲ့ လက်မခံခဲ့တာကြောင့် လက်ရှိမှာ တပ်မတော်က

ဦးဆောင်ရေးတဲ့ ခြေဥဖြစ်နေတာပါ။ တကယ်လို့သာ NLD က တပ်ရဲ့ညှိနှိုင်းမှုလက်ခံခဲ့ရင် NLD ဦးဆောင်တဲ့ ခြေဥနဲ့ သွားနေရမှာပါ။ လက်ရှိမှာ၂၀၀၈ ခြေဥဖျက်သိမ်းလိုက်ရင် ၁၉၉၀ ပုံစံမျိုး တကျော့ပြန်

ကြုံရပါလိမ့်မယ်။ တပ်မတော်ကလည်း ဒီတစ်ကြိမ်

ထပ်ပြီးခြေဥရေးရင် NLD ငါးနှစ်မှာ သူဖိနှိပ်ခံခဲ့ရတဲ့ အချက်တွေကို ထိုင်းလိုပြင်ဖို့ အသေအချာပါ။ တိုင်းရင်းသားလက်နက်ကိုင်တွေဟာ ပြည်မကို 

တိုးမလာနိုင်ပါ။ မဲမသမာမှုလုပ်ခဲ့လို့ ဖျက်သိမ်းခံနိုင်ခြေ မြင့်တက်လာနေတဲ့ NLD ပါတီဟာလည်း လက်ရှိခြေဥကို ဖျက်သိမ်းပြီး အသစ်ပြန်ရေးဆွဲနိုင်တဲ့ Political Power မရှိတော့ပါ။ လက်ရှိမှာ ခြေဥဖျက်သိမ်းရေးဟာ Calculated Risk အရ လုံးဝလုံးဝ မလုပ်သင့်တဲ့အခြေအနေပါ။

၈။ လာဘ်စားစရာနေရာမရှိဘူးလို့ အများမြင်တဲ့ သာသနာရေးနဲ့ ယဥ်ကျေးမှုဝန်ကြီးဟောင်း 

သူရဦးအောင်ကိုတောင် သိန်း ၁၅၀၀ လောက် 

လာဘ်စားမှုနဲ့ စွဲချက်အတင်ခံထားရတာကို 

ထောက်ချင့်ရင် ရိုးသားအေးဆေးကြိုးစားပါတယ်ဆိုတဲ့ ဒေါက်တာဝင်းမြတ်အေးတောင် ကိုဗစ်ရန်ပုံငွေသုံးစွဲပုံဖြေရှင်းဖို့ မလုပ်ရဲတာကြည့်ရင် 

ပုဂ္ဂလိကဖောင်ဒေးရှင်းတွေ ပုဂ္ဂလိက သူဌေးတွေကိုပါ Money laundering နဲ့ ငြိတယ်ဆိုတဲ့ အသံမျိုး (ကောလာဟလမျိုး)နဲ့ ဖမ်းဆီးခံနေရတာကို ထောက်ရင် NLD အစိုးရအဖွဲ့မှာ နိုင်ငံရေးရာထူးရယူခဲ့သူတွေဟာ ပြစ်မှုတစ်ချက်မဟုတ်တစ်ချက် ငြိနေနိုင်ပါတယ်။ နောက်တစ်ချက်ဖြစ်တဲ့ ကယားဝန်ချုပ်နေရာက 

စွပ်စွဲပြစ်တင်ဖြုတ်ချခံရတဲ့ ဦးအယ်လ်ဖောင်းရှိုကို ကယားပြည်နယ်လွှတ်တော်က ဖြုတ်ချတဲ့ 

အကြောင်းပြချက်မှာ နိုင်ငံ့ဘဏ္ဍာကို NLD ပါတီအတွက် သုံးတယ်ဆိုတဲ့ စွပ်စွဲချက်ပါပါတယ်။ ဒီစွပ်စွဲချက်ကို NLD ပါတီအာဏာရစဥ် ခြေဥခုံရုံးကတောင် 

ချေဖျက်နိုင်ခဲ့ခြင်းမရှိပါဘူး။ ပါတီတွေဟာ ပြည်ပအထောက်အပံ့ယူမှ ပါတီဖျက်ရတာမဟုတ်ဘဲ 

နိုင်ငံ့ဘဏ္ဍာကို ပါတီအတွက် သုံးရင်လည်း ဖျက်သိမ်းခံရပါတယ်။ ကြားထဲမှာ Orchid ဦးဌေးအောင်လို နိုင်ငံခြားအထောက်အပံ့ရယူနေကြောင်း တစ်ချိန်လုံးစွပ်စွဲပြောဆိုနေသူကို ဖမ်းဆီးပြီး ရုံးမထုတ်ရဲတာ၊ အာမခံမပေးခဲ့တာတွေက ထောက်ပြစရာဖြစ်သလို 

ကိုဗစ်ရန်ပုံငွေဘီလျံများစွာကို မသက်ဆိုင်တဲ့နေရာတွေမှာသုံးခဲ့တယ်လို့ နစက ဘက်က ပြောထားတာကြောင့် NLD ပါတီဟာ နိုင်ငံ့ဘဏ္ဍာ အလွဲသုံးစားခဲ့မှုနဲ့ 

ငွေကြေးမသမာမှုစွပ်စွဲချက်တွေကြားက 

ရုန်းထွက်လာနိုင်စရာ မရှိတော့ပါဘူး။

၉။ ဒါတွေကြောင့် နစက,က NLD ပါတီကို မဲမသမာမှုရလဒ်တချို့ပယ်ဖျက်ပြီး အာဏာပြန်ပေးနိုင်ခြေ 

လုံးဝမရှိပါ။ တပ်မတော်ကို ICC တင်ဖို့၊ ပြည်တွင်းမှာ နိုင်ငံတော်သစ္စာဖောက်ဖျက်မှုနဲ့ တရားစွဲဆိုနိုင်တဲ့အခြေအနေကြောင့် နစက တစ်ဖွဲ့လုံး ပြစ်ဒဏ်ခံရမဲ့အခြေအနေကို လုံးဝလုပ်မှာမဟုတ်ပါ။ အာဏာအသာစီးရ၊ လက်နက်လူသူ အသာရနေတဲ့အခြေအနေမှာ ကိုယ့်လည်ပင်းကိုယ် ​ကြိုးကွင်းစွပ်ရမှာမျိုး နစက မလုပ်ပါ။

မထူးဇာတ်ခင်းပြီး အာဏာသိမ်းလိုက်မှ 

နိုင်ငံနာပြီးရင်းနာ၊ တိုင်းပြည် ကြေသထက်ကြေ

ဖြစ်သွားမှာကို ကျွန်တော် ပိုပြီးစိုးရိမ်ပါတယ်။

၁၀။ အပေါ်က အချက် ၉ ချက်ကို နားလည်နိုင်တဲ့ 

ဉာဏ်မီမယ်ဆိုရင် အသိဉာဏ်ရှိရှိသုံးသပ်တတ်မယ်

ဆိုရင် လက်ရှိအခြေအနေဟာ လူငယ်တွေရဲ့ အသက် အလဟဿဆုံးပါးဖို့ လမ်းပေါ်ထွက်နေတာထက် 

တပ်ချုပ်ပေးထားတဲ့ကတိတည်ဖို့ Negotiate 

လုပ်ရတော့မဲ့ ကာလဆိုတာ မြင်သာပါလိမ့်မယ်။ 

လက်ရှိအခြေအနေမှာ လမ်းပေါ်ထွက်နေတဲ့အထဲက 

အသက်ဆုံးပါးနေတာဟာ အသက် ၃၅ အောက် 

လူငယ်တွေက ရာခိုင်နှုန်း ၉၀ လောက်ရှိနေတာကို 

တွေ့နေရပါတယ်။ နိုင်ငံ့အတွက်၊ မိသားစုအတွက် အလွန်အမင်းနစ်နာပါတယ်။ ဒီအပေါ်က ၉ ချက်ကို ဘယ်လိုပုံစံနဲ့ အောင်မြင်အောင် ကျ်ောဖြတ်မလဲဆိုတဲ့ Plan မရှိဘဲ လူငယ်တွေ အသက်စွန့်နေတာ https://m.facebook.com/story.php?story_fbid=207407631126584&id=100055720461378

လုံးဝလုံးဝ မဖြစ်သင့်တော့ပါ။