ဗုဒ္ဓစာပေထဲက #သောဏဒဏ္ဍသုတ် ကိုအောက်မေ့ရင်း..တွေးရင်းရေးမိတယ်၊
ကိုယ်ကျင့်တရားနဲ့ပညာ (morality & wisdom)ဆိုတာ အမြဲတစေနှစ်စုံတွဲတည်ရှိနေဖို့လိုပါတယ်၊တစ်ဖက်မှာပညာတွေဘယ်လောက်တတ်တတ်၊ ကိုယ်ကျင့့်တရားမထိမ်းနိုင်ဘဲစိတ်ထားကောင်းမပါရင်
လောဘအမှားသင့်မယ်၊ ဒေါသအမှားသင့်ပါ့မယ်၊ #ကုသိုလ်တရားအားလုံးဟာသီလဆိုတဲ့ကိုယ်ကျင့်တရားမှာသာတည်တယ် ဆိုလား? ဗုဒ္ဓကိုယ်တိုင်ဟောဖူးပါတယ်၊
မိမိကိုယ်နဲ့စိတ်ကို ကောင်းစွာမစောင့်ထိန်းနိုင်မူ့လွန်ကျူးတဲ့အခါသေချာတာတစ်ခုကအငုံ့စိတ် inferior feeling ရယ်၊ အဖျက်စိတ် pessimism ရယ်၀င်ပါမယ်၊ ကိုယ့်ကိုယ်ကိုယ်နဲ့ကိုယ့်အဖွဲ့အစည်းကိုသာပဓာနတွေးရင်းပတ်၀န်းကျင်အပေါ်မလုံမလဲစိတ်နဲ့ရှေးရှုဆက်ဆံတတ်ကြတယ်၊တစ်ယောက်နဲ့တစ်ယောက်၊တစ်ဖွဲ့နဲ့တစ်ဖွဲ့ကြားပြဿနာမရှိရင်ရင်ရှိအောင်ဖန်တီးမယ်၊ ရှိနေရင်ပုံကြီးချဲ့မယ်၊ကြီးနေရင်ထွားအောင်လုပ်ဦးမယ်၊ သင့်နေရင်မျက်အောင်ခြောက်မယ်၊မျက်နေရင်ကွဲအောင်ခွဲမယ်၊ဒီလိုနဲ့ပတ်၀န်းကျင်မှာဆူညံပွက်လောရိုက်အခက်တွေ့လေ၊သူ့စိတ်သဘာ၀အာသာပြေလေလို့ inferior သမားတွေဆီအတွေ့များကြောင်းစိတ်ပညာရှင်တွေပြောကြတာလည်းသတိရပါတယ်၊
အဲ့ဒီလို ကိုယ့်ကိုယ်ကိုဗဟိုပြုကာကွယ်ရင်းကိုယ်ကလွဲသောတစ်ပါးသူအားလုံးကို အလိုလိုသံသယစိတ်နဲ့ကြည့်ရင်ဆိုင်တတ်လာကြတယ်၊ထစ်ကနဲကြည့်လို့လူတစ်စုမြင်ရင်ပဲဖြစ်ဖြစ်၊လျက်တပြက်ကြည့်လို့လူတစ်ချို့စကားပြောနေတာပဲဖြစ်ဖြစ်အနှီ pessimistic သမားတွေ တွေးကြည့်တာက သူတို့ အကောင်း၊ကိုယ်မကောင်းကြံစည်ပြောဆိုနေကြတယ်လို့ထင်တတ်ကြတာပါပဲ၊
အဲ့ဒီ pessimistic သမားအဆိုးမြင်အငုံ့စိတ်တွေဟာမိဘနဲ့သားသမီးလည်းမရွေးဘူး၊ဆရာတပည့့်လည်းမခွဲဘူး၊လုပ်ဖော်ကိုင်ဖက်လည်းမခြားဘူးရယ်၊ဘာနဲ့အလားသဏ္ဍန်တူသလဲဆိုရရင်မြစ်လယ်ရောက်နေတဲ့လှေကြုံအတူခရီးသွားအချင်းချင်းငါ့အောက်ကလှေ၀မ်း စိတ်အခန့်မသင့်လို့ကိုယ့်ဘာသာကိုယ်ဖေါက်တာသူတို့နဲ့ဘာဆိုင်လဲ? သူ့အောက်ကလှေ၀မ်းဗိုက်ပေါက်လို့ရော ငါနဲ့ဘာဆိုင်လဲ?ကိုယ်ဖြစ်ကိုယ်ခံ၊သူဖြစ်သူခံသမားတွေလိုပေါ့၊ သူ့ခရီးဖော်ရဲ့အောက်ကလှေ၀မ်းဗိုက်ပေါက်တာကိုပျော်လို့၊မြူးလို့၊ရီလို့၊ရွှင်လို့နဲ့သူနာပြီ..ငါတော့ဒီတစ်ခါသာပြီအပိုင်တွက်ရင်းမြစ်ရေတွေတလိမ့်လိမ့်၀င်လာတဲ့လှေပျက်နဲ့အတူအတ္တတွေမာနတွေ ၊တလွဲစိတ်ဆန္ဒတွေထွေးပိုက်ရင်းနစ်မြုပ်သေဆုံးကြရမယ့့်သနားစရာသတ္တဝါအဖြစ်သာတွေးပါတယ်၊မိမိရော
သူတစ်ပါးပါဆုံးရှုံးမူ့ပဲ လက်ထဲကျန်ပါမယ်၊
အဲဒါကြောင့်ထင်တယ်မြတ်ဗုဒ္ဓရဲ့ သောဏဒဏ္ဍသုတ် မယ် ကိုယ်ကျင့်တရားနဲ့ပညာ ဆိုတာခြေတစ်ဖက်ကိုတစ်ဖက်ပွတ်သပ်ဆေးကြောရမယ့်အညမညအင်္ဂါနှစ်ပါးလို့ပြခဲ့တယ်၊ပြခဲ့ပါတယ်။
#Nyikyaw
Ref..ဒီဃနိကာယ်၊သောဏဒဏ္ဍသုတ်
No comments:
Post a Comment