Pakokku Myanmar Burma
ညတုန်းက ၉ နာရီနဲ့ ၁၀ နာရီကြား ကိုယ်တွေနေတဲ့မြို့တစ်ခုလုံး ဆူညံပွက်လောရိုက်သွားတယ်။
တကယ်တော့ နေ့ခင်းကတည်းက ဆူညံနေခဲ့တာ။ ရဲတွေက ဆေးရုံထဲဝင်ပြီး ဆေးရုံအုပ်ကြီးကို ဖမ်းလို့ တဲ့။ Live လွှင့်ရာက လူတွေ ဆိုင်ကယ်ဟွန်းသံ ဆူဆူညံလျက် သံကြောင်ဟစ်အော် ကြွေးကြော်သံပြင်း ဆေးရုံဝင်းသို့ တုန်ဟီလှစွာ ချီတက်လာကြသည် တဲ့။ ဟို ရောက်တော့လဲ ရဲတွေလဲ ပြန်ပါပြီ။ ဆေးရုံအုပ်လဲ အေးဆေးပါ။ ရဲတွေဆိုတာက မှုခင်းနဲ့ဆက်စပ်ပြီး ဆေးရုံထဲကိုက အဝင်အထွက် လုပ်နေကြပါ။ အခုအနေအထားကတော့ ကာယကံရှင်တွေမှ အဖြေမှန် သိမယ်။ ရဲတွေကပဲ တကယ်လာဖမ်းတာလား? ဆေးရုံအုပ်ကပဲ "ကယ်တော်မူကြပါ" အကဲပိုတာလား? လူတွေကပဲ "စောက်တတ်" လွန်တာလား? ကိုယ်တွေကတော့ အဖြေမသိ။
အဲဒီ နေ့ခင်းက ပြဿနာက ညဖက်ပြဿနာရဲ့ အခြေခံပဲ။ ညနေဖက် လက်ဖက်ရည်ဆိုင် သွားထိုင်မိလိုက်ပါတယ်။ ရွာနောက်ပိုင်း ခလုပ်တိုက်တယ်၊ ရွာလယ် ဖားပြုတ်ကိုက်တယ်၊ ရွာထိပ် တရုတ်ရိုက်တယ် ကောလဟာလ ပြန့်သွားသလို။ ဆေးရုံအုပ် ဖမ်းတဲ့ ကောလဟာလက သူတို့စကားအရ UN အထိ ရောက်နေပြီ။ နည်းနည်းတော့ လျှော့ကြပါဦး ပြောချင်တာ။ ပြောမိရင် ကိုယ့်ဝိုင်းရိုက်မှာက ကြောက်ရသေးတယ်။ တစ်ချို့လဲ ညနေ မှောင်ရီဖျိုးဖျ ၆ နာရီလောက်အထိ ဆေးရုံရှေ့မှာ ရှိကြတုန်း။
ည ၉ နာရီ မတ်တင်းလောက်မှာ လူတွေ အုံလိုက်ခဲလိုက် ထွက်လာ၊ ဟွန်းတွေတီး၊ ပိုဆိုးတာက သံချောင်းပါခေါက်တဲ့ရပ်ကွက်တွေရှိလာ။ ဘယ်ပြောကောင်းမလဲ ရဲစခန်းကို လူ ၁၀၀၀ လောက် သွားဝိုင်းတယ်။ ဘာဖြစ်တာတုန်းမေးကြည့်တော့ လမ်းမထက်က မုန့်ဟင်းခါးဆိုင်က လူတစ်ယောက်ကို ရဲက ဖမ်းသွားလို့ တဲ့။ မုန့်ဟင်းခါးဆိုင်က Live လွှင့်လိုက်တာမှာ ပြန့်သွားတယ် ဆိုတယ်။ ဒီကနေ ကောလဟာလက ကားသည်ထက် ကားလာ၊ လူအုပ်က ကြီးသည်ထက်ကြီးလာပြီး နောက်ဆုံး လူအုပ်ကြီးက အမြန်လမ်းမကြီးထက်က ဆေးရုံဝန်ထမ်းအိမ်ယာကို ချီတက်သွားကြတယ်။
အဲဒီမှာ ရဲကလဲ လူအုပ်ကြောက်တာနဲ့ အစောင့်ချ။ တပ်ကပါ ရောက်လာ။ လူအုပ်ကလဲ ရဲ/စစ်တပ်က ဆရာဝန်တွေ၊ သူနာပြုတွေကို ဝင်စီးဖို့ ကြံစည်နေတာမှာ သူတို့က လူအုပ်နဲ့ ဝင်တားလိုက်နိုင်ပါပြီဆိုပြီး သူရဲကောင်းစတိုင်နဲ့ မူးမူးပြဲပြဲ စကားဝူးဝူးဝါးဝါး live တွေလွှင့်။ ပိုပြီး publicity stunt ထွင်ချင်သူက ရဲကို ခဲတွေနဲ့ပေါက်။ တော်တော်နဲ့ မပြီးဘူး။
ကိုယ်တွေလဲ ညအိပ်သာအိပ်ရတယ်။ တထိတ်ထိတ်နဲ့။
မနက်လင်းတော့ ညက ရဲက အရပ်သားကို အကြောင်းမဲ့ ကုပ်သွားတာလား စုံစမ်းကြည့်တော့ မဟုတ်ပါဘူး တဲ့၊ ပတ်တရောင် ရဲတစ်ယောက် ဗိုက်ဆာလို့ မုန့်ဟင်းခါးဆိုင်မှာ ဝင်စားနေတာကို စောင့်ခေါ်သွားတာပါ တဲ့။ လမ်းမှာတွေ့တဲ့သူတွေ ခေါ်သွားတယ်ဆိုတာလဲ တစ်ဖွဲ့တည်းသား ရဲတွေပါပဲ တဲ့။
FUCK!
ကိုယ်တွေလဲ စစ်အစိုးရကြောက်ရမှာလား? ပြည်သူကြောက်ရမှာလား? ကို မဝေခွဲတတ်တော့ဘူး။
No comments:
Post a Comment