ကိုယ်တွေက စက်မှုဇုံ၊ ဘော်ဒီရုံ (နယ်အခေါ် ပန်းဘဲ / မာ့ဒကတ်) တွေကြားမှာ နေလာတာ။ သံပုံးထုတာလောက်တောင် ပျင်းတောင်ပျင်းသေး။
ခက်တာက သံပုံးထုသံတင် မကဘဲ ခွေးအူသံတွေပါ ပါပါလာတာ။ သံပုံးသံခံနိုင်ပေမယ့် ခွေးအူသံကိုတော့ နားညည်းတယ်။
ရပ်ကွက်ထဲကလဲ ခွေးက တော်တော်ပေါတာ။
သံပုံးက ထုလိုက်။ ခွေးက အူလိုက်။
ဒေါင်ဒေါင်ဒေါင် ဝူးဝူးဝူး ဒေါင်ဒေါင်ဒေါင် ဝူးဝူးဝူး
မသိရင် ဆပ်ကပ်ပွဲအတွက် အကြိုဇာတ်တိုက်နေသလိုလို။
ဒါတောင် ခွေးနှစ်ကောင်က ကိုယ့်အိမ်ဖက်ခြမ်း လာအူတော့မလို့။
မတတ်သာတော့ ငေါက်လိုက်ရတယ်။
"တောက် ဒီခွေးတွေ တအူအူနဲ့ အူချင် ကိုယ့်နေရာကိုယ်အူ ဒီဖက် ကူးမလာနဲ့" ပေါ့။
ခွေးတွေက လိမ္မာသား။ အမှီးကုပ်ပြီး ပြန်လှည့်ပြေးတာပဲ။
No comments:
Post a Comment