https://www.facebook.com/744769315/posts/10159885149974316/
ဘာတွေ ဖြစ်လာနိုင်လည်း ဆိုတော့ကာ ဘာမဆို ဖြစ်နိုင်တာ ပါပဲ။
စစ်တပ်ဘက်ကလည်း စကားတွေ အလွန်အကျွံ ဆိုခဲ့ပြီ။ စကားကျွံသော် နှုတ်မရ။
ပါတီ ဘက်ကလည်း ငါတို့နောက်မှာ ပြည်သူတွေရှိတယ် ကမ္ဘာရှိတယ် ဒီမိုကရေစီရှိတယ် ဘယ်သူကိုမှ ဂရုစိုက်စရာမလို ငါတို့ လုပ်စရာရှိတာ ဆက်လုပ်မယ် ညှိစရာ ဆွေးနွေးစရာ မရှိ ဆိုတာမျိုး လုပ်နေတယ်။
ရွေးကော်ကလည်း မိမိ အပြစ်လွတ်ရင် ပြီးပြီ။ မဲစာရင်းမှားတာကတော့ မှားလေ့မှားထရှိတာပဲ။ ၂၀၀၈ ၂၀၁၀ ၂၀၁၅ တွေ တုန်းကလည်း မှန်လို့လား.. တပ် မဲစာရင်းတွေကိုတောင် မစစ်ပဲ လက်ခံခဲ့တာပဲ ဆိုတာမျိုး နဲ့ အလွတ်ရုန်းလိုက်တယ်။ ငါတို့ဆုံးဖြတ်တာသာ အတည် ဖြစ်တယ်ပေါ့။
ဒီတော့ အခြေအနေတွေက တင်းတင်းမာမာ နဲ့ နိုင်ငံရေး အကျပ်အတည်းတစ်ခုဆီကို တွန်းပို့နေတယ်။ ဖြေရှင်းနိုင်စွမ်းရှိသူတွေ ကလည်း စကားမပြောကြဘူး ဆိုတော့ သံသယတွေ ပိုပိုတိုးလာဖို့သာရှိပေလိမ့်မယ်။
စကားလွန်မိတဲ့ စစ်တပ်အတွက်ကတော့ အခက်ကြီးဖြစ်ရပြီ။ မောင်းတင်ပြီးမှ မပစ်ပဲ ပြန်ချရင် တစ်ဘက်ကလည်း ဂရုမစိုက်ဟန်ပြနေရင် ထာဝရ ဦးကျိုးရတော့မှာ။ မော်ကြွားခဲ့ရဘူးတဲ့ အစဉ်အလာတစ်ခုလုံး ရိုက်ချိုးခံရမလား လို့ တွေးမိမှာပဲ။ အာဏာထိန်းရမယ်ဆိုတာကလည်း ဗြဟ္မာကြီး ဦးခေါင်းပါပဲ။ ဆုပ်လည်းဆူးစားလည်းရူး အခြေအနေပေါ့။
ဒီကြားထဲ အခြေခံဥပဒေ အကျပ်အတည်းကလည်းရှိတယ်။ ကာချုပ် အပြောင်းအလဲလုပ်ဖို့က ကာလုံခေါ်မှရမယ်။ ကာလုံ ကို သမ္မတကပဲ ခေါ်နိုင်မယ်။ ဟိုကလည်း မခေါ် ဒီကလည်း တကြော်ကြော် ဖြစ်နေပြီဆိုတော့ မခက်လား။ တပ်တွင်းရာထူး အပြောင်းအလဲလုပ်ဖို့တောင် ခြေဥ ရဲ့ အားနည်းချက်ကြောင့် အပ်ကွက်မိသလို ဖြစ်နေပြီ။ အစိုးရဘက်ကလည်း နင်တို့ ကြိုးနဲ့ နင်တို့ အတုပ်ခံရတာ ခံလိုက် ဆိုတာမျိုး။
ဒီတော့ သာဝ တစ်ခုခုလုပ်ဖို့ တွန်းပို့နေသလို ဖြစ်ရတာပေါ့၊။
တကယ်တော့ အာဏာသိမ်းမယ်ဆိုရင် မန်းငန်းလိုက်နေတဲ့ အနာဆွေးကြီး ကို ဖောက်ခွဲလိုက်တာနဲ့ အတူတူပါပဲ။
နိုင်ငံရေးဟာ ယောကျာ်းဆန်ဆန် ဖြစ်သွားမယ်လို့ မြင်တယ်။ ကူလီကူမာတွေ ရင်ကြားစေ့တွေ အာပလာအူကြောင်ကျားတွေ မရှိတော့ဘူး။ တကယ့် ဂျူဝယ်ဖိုက် ဖြစ်သွားပြီ။ အရှုံးအနိုင်တစ်ခုခု ပြတ်ပြတ်သားသားပေါ်မှ ရှေ့ဆက်လို့ရမယ်။
ဖေဖော်ဝါရီ ၁ ရက်နေ့က လွှတ်တော်သစ်စရမယ်ဆိုတော့ ဇန်နဝါရီ ၃၁ ရက်နေ့က တနင်္ဂနွေနေ့။ အမြဲတမ်း ထူးထူးခြားခြား ဖြစ်လေ့ရှိတဲ့ ရုံးပိတ်ရက်နေ့တွေပေါ့။
အာဏာရှင်စနစ်နဲ့ တော်လှန်ရေးအသစ်လား တကယ့် ဖယ်ဒရယ်ဒီမိုကရေစီစစ်စစ်လား ဆိုတာ ကတော့ သမိုင်းဖန်သားပြင်ကြီးပေါ် ဆက်ကြည့်ကြပါစို့။
No comments:
Post a Comment