ကာမေသုမိစ္ဆာစာရ

 

#တွေးမိသမျှ_ကာမေသုမိစ္ဆာစာရ

ဗုဒ္ဓစာပေကလာတဲ့ ကာမအရာမှာ မှားယွင်းစွာကျင့်ခြင်း(sexual misconduct)ဆိုတဲ့ကာမေသုမိစ္ဆာစာရဆိုတာ ပြောရရင်သဘောတရားအရကျယ်ပြန့်ပါတယ်၊အများနားလည်ထားကြတဲ့ ငါးပါးသီလထဲကအဖွင့် သူတစ်ပါးသားမယားကိုပြစ်မှားခြင်း ဆိုတာထက်လည်းပိုတယ်၊နက်လည်းနက်ရှိုင်းပါတယ်၊ဒီအရကောက်က မြင်သာရှုသာလွယ်ပြီး ကျုးလွန်မိရင် လူ့ပတ်၀န်းကျင်မှာဥပဒေကြောင်းရောလူမူ့ရေးအရပါထိရှလွယ်တယ်မို့ ဒီ..သူတစ်ပါးသားမယားကိုပြစ်မှားခြင်း...ဆိုတဲ့အဖွင့်ကို ဆရာ့ဆရာတို့ ရှေ့တန်းတင်အမွမ်းဖွင့်ခဲ့ကြပုံရယ်၊

ကာမ ဆိုတဲ့ sexအရာမှာ မှားယွင်းကျင့်သုံးခြင်း(မိစ္ဆာစာရ)ဆိုကတည်းက ကာမေသုမိစ္ဆဆိုတဲ့အထဲ ကာမအကျင့်တစ်ခုခုကိုလွန်လွန်ကျူးကျူး မိမိသူတစ်ပါးထိခိုက်စေလောက်အောင်ကျင့်သုံးတာ အကုန်အကြုံး၀င်ပါတယ်၊ #ယောက်ျားဖြစ်ဖြစ်_မိန်းမဖြစ်ဖြစ်_တစ်ကိုယ်ရည်အာသာဖြေဟိုဒင်းဟိုဟာအပြုလွန်ခြင်းလည်း_ဒီအထဲပါတာပါပဲ၊ စိတ်ပညာဌာနက မိတ်ဆွေဆရာပြောဖူးတယ်၊ အသက်၂၀ ၀န်းကျင်လူငယ်လေးတစ်ယောက်ပေါ့၊သူကလူပျိုစကတည်းက အပြာကားတွေ စွဲစွဲလန်းလန်းကြည့်တယ်၊ပြီးရင်တစ်ကိုယ်ရည်အာသာဖြေမူ့ကို တစ်နေ့ထဲအကြိမ်ကြိမ်လုပ်ပါတယ်၊တစ်ခါတစ်လေ တစ်ရက်ထဲ ၆ကြိမ်၇ကြိမ်မကဘူးလို့လည်းသိရတယ်၊ကြာလာတော့ ငယ်ငယ်ရွယ်ရွယ်နဲ့အကြောတွေဆိုင်းလာ၊တစ်ကိုယ်လုံးသွတ်ချာပါဒလိုဖြစ်ပြီးခေါင်းတွေနောက်လာ၊သတိမေ့တတ်လာတာ မိဘတွေသတိထားမိလို့ ဆေးရုံမှာတင်ကုရတဲ့အဆင့်ထိ၊နောက်ပီး စိတ်ရောဂါဆရာနဲ့ တွေ့၊သူ့နဂိုစိတ်အစွဲ pornographyရုးသွပ်မူ့ကိုမနည်းကုသခဲ့ရပုံလေးပြန်ပြောပြတာသတိရတယ်၊ဒါလည်း ကာမေသုမိစ္ဆာစာရဆိုတဲ့ ကာမကိုလွဲမှားဖောက်ပြန်စွာကျင့်သုံးမိခြင်းရဲ့ side effectတစ်ခုပါပဲ၊သူ့ဘာသာသူ ရမ္မက်အာသာဖြေတာ ဘယ်တခြား သားပျိုသမီးပျိုမှမထိခိုက်ပဲလေလို့ စောဒနာတတ်ချင်လည်းတတ်နိုင်ပေမယ့် တည့်တည့်ပြောရရင် ဒီလိုအတိုင်းထပ်အလွန် ကာမတဏှာကိုလိုက်လျောရမူ့မှာ အနည်းဆုံးကိုယ့်ကိုယ်ကိုယ်တော့ထိခိုက်တဲ့ အပြင်းအထန် စွဲလန်းမူ့ဥပါဒါနတစ်ခု၊ပီးရင် ဒီနောက်ဆက်တွဲဒဏ်ကို ကိုယ်အပါအ၀င် ကိုယ့်အသိုင်းအဝိုင်းပါသက်ရောက်ခံစားရတဲ့ ဝိပါကအကျိုးဆက်တစ်ခုဆိုတာတော့ ငြင်းလို့မရဘူးပဲ၊ ကျနော့်အထင်မမှားရင် ဂေါက်သီးရိုက်အကျော်တစ်ယောက် (တိုက်ဂါးဝုပ် ထင်တယ်)၊ ဒီလိုပဲ pornographyနဲ့ပတ်သက်ပြီး တလွဲပုံစံနဲ့ ကာမစွဲလန်းမူ့ပြဿနာကြောင့် မိန်းမနဲ့တောင်ကွဲပြီး နောက်ပိုင်းစိတ်ရောဂါတွေဘာတွေ နှစ်ရှည်ကုခဲ့ရသေးတယ်ဆိုလား တစ်ခါကဖတ်လိုက်ရဖူးတယ်၊

တစ်ချို့ရှိတယ်၊ဆန့်ကျင်ဘက်လိင်ရဲ့ အင်္ဂါတစ်ခုခု၊အ၀တ်အစားတစ်ခုခုကိုအပြင်းအထန်စွဲလန်းတာ၊တစ်ခါက သတင်းတစ်ခုဖတ်လိုက်ရတယ်၊သူခိုးတစ်ယောက် သူ့အိမ်မှာအမျိုးသမီးအတွင်းခံရာနဲ့ချီခိုးထားတာမိတယ်ဆိုတာ၊ တစ်ချို့ပြစ်မူ့တွေမှာဆို အမျိုးသမီးတွေကိုတစ်ယောက်ပြီးတစ်ယောက် ခြေဖြတ်၊လက်ဖြတ်၊အဓမ္မကျင့်ပြီးမှ သတ်တဲ့ကာမအခြေခံစိတ္တဇလူသတ်ကောင်တွေ အနောက်နိုင်ငံတွေမယ်ရှိပါတယ်၊

ဒါလည်းကာမကိုတက်မက်မူ့အရာကို တစ်ဖက်စွန်းရောက် မှားယွင်းစွာပြုခြင်းတစ်ရပ်ဖြစ်ပါတယ်၊ဆန့်ကျင်ဘက်လိင်၊ဒါမှမဟုတ်လိင်တူချင်း ကျန်းမာရေးအရ မအပ်စပ်တဲ့နည်းနဲ့ တရားလွန် နေထိုင်ဆက်ဆံသွားလာရမှ အာသာပြေတာမျိုး၊တိရစ္ဆာန်ကိုမဖွယ်မရာလုပ်ပြီး ကာမအာသာဖြေတာမျိုးတွေကိုလည်း ဒီကာမေသုမိစ္ဆာစာရထဲ ထည့်သင့်ပါတယ်၊ ငါ့မိန်းမငါပိုင်တာပဲ ဆိုပီး ရာသီမရှောင်ဥတုမရှောင်၊ကိုယ်လေးလက်၀န်ဖြစ်နေချိန်မရှောင် ဆက်ဆံဖို့အကျပ်ကိုင်တာမျိုး၊သူများသားမယားကို သွားပြစ်မှားတာမဟုတ်သည့်တိုင် ကိုယ့်အိမ်ထောင်ဖက်အပေါ် ကာမကိုအစွန်းကျကျ မတရား ဆက်ဆံပီဆိုလည်း ကာမအရာ မှားယွင်းကျင့်ကြံမူ့အထဲ အကြုံး၀င်ပါတယ်၊

တစ်ချို့ပြောပါတယ်၊သူများမယားနဲ့မဖောက်ပြန်ကြပေမယ့် ပြည့်တန်ဆာတွေနဲ့ အတိုင်းထက်အလွန် အဆင်ခြင်မဲ့ပျော်ပါးလို့ ရှက်ဖို့ကောင်းပြီး လူသိမခံရဲတဲ့ ရောဂါတွေရနေကြတာလည်း ဒီကာမေသုမိစ္ဆာစာရအကျိုးဆက်လို့ပြောရမှာပါပဲ၊နောက်ပြီး ကာမတဏှာဆိုတာ လူသားတိုင်းမှာအနည်းနဲ့အများရှိကြတာဆိုတော့ အဲ့ဒီကာမအရာမှာ မှားမှားယွင်းယွင်း ပြုကျင့်တယ်ဆိုတာ ယောင်္ကျားသီးသန့် ဖိုသဘာ၀တစ်ခုထဲမှာ တွေ့ရတာမဟုတ်ဘဲ မိန်းမတွေလည်း အချိန်နဲ့အမျှ ကိုယ့်စိတ်ကိုယ်မနိုင်ရင် လွန်ကျုးတတ်တယ်ဆိုတာ သတိထားရပါ့မယ်၊ စာပေထဲက ဒု၊သ၊န၊သော ဆိုတဲ့ကျူးလွန်သူနေရာဆိုတာ ယောကျာ်းတွေမှမဟုတ် မိန်းမတွေလည်း may beပါပဲ၊

ကာမေသုမိစ္ဆာစာရကိုပဲ ထပ်ချဲ့ပြောရရင် အများကြီးရှိပါတယ်၊ကာမဆိုသော တပ်မက်မူ့မှာ လိင်တစ်ခုထဲမကတဲ့အနက်ရှိပါတယ်၊ not only sexual but also sensualပေါ့၊ လိင်ကိစ္စမဟုတ်သည့်တိုင် သက်ရှိသက်မဲ့တစ်ခုခုအပေါ် အဆင်ခြင်မဲ့တက်မက်တွယ်တာနေပီ၊တွယ်တာမူ့အပေါ်သာယာခံစားလွန်းနေပီဆိုလည်း မှားယွင်းတဲ့ကာမကျင့်သုံးမူ့တွေဆီ အာရုံကိုအလိုလိုက်မူ့မြောက်တဲ့အတွက် ဒါလည်း ကာမေသုမိစ္ဆာဆီကို ရောက်စေပြန်ပါတယ်၊

ချုပ်ပြောရရင် ကာမေသုမိစ္ဆာစာရဆိုတဲ့ ကာမအရာမှားယွင်းဖောက်ပြန်မူ့ဆိုတာ လူ့စိတ်ရဲ့

အာရုံညွတ်ရာ(ပဋ္ဌာန်းသဘောအရဆို အာရမ္မဏပစ္စယပေါ့)နဲ့အမြဲတွဲဆက်နေလို့ သူ့သဘောတရားကကျယ်ပြန့်နက်ရှိင်းလွန်းပါတယ်၊ေဩာ်..ငါကသူတစ်ပါးအိမ်ယာမပြစ်မှားဘူးပဲ..ဆိုယုံနဲ့မလုံလောက်ပါဘူး၊နောက်ပီး ပပ္ဗဇိတရဟန်းတွေကလွဲရင် လူနဲ့ လိင်၊ လိင်နဲ့လူက ခွဲခြားရှုမြင်ရဖို့ခက်ပါမယ်၊ကိုယ့် sexual desire ဆိုတဲ့ လိင်စိတ်ဆန္ဒကို မိမိသူတစ်ပါး ကျန်းမာရေး၊လူမူ့ရေး မထိခိုက်အောင် သတိထားဖော်ဆောင်နိုင်နေသ၍တော့ ဒီကာမေသုမိစ္ဆာစာရရဲ့ side effectတွေကို အတိုင်းအတာတစ်ခုထိ ကာကွယ်ပေးနိုင်မယ်လို့ ကျနော်ယုံတယ်၊ ဒီနေရာမယ် emotional intelligence ဆိုတဲ့ စိတ်ခံစားမူ့ထိန်းကျောင်းကိုယ်ရည်ကိုယ်သွေးက အရေးပါလာပြန်တယ်၊နောက်အချိန်ရရင် ဒီအကြောင်းတင်ပြပါဦးမယ်၊

ဘယ်လိုပဲဖြစ်ဖြစ် ရှဉ့်လည်းလျောက်သာ ပျားလည်းစွဲသာဆိုလား စကားရှိသလိုပဲ၊ လူနဲ့လိင်..လိင်နဲ့လူ လည်း ထိုနည်းနှင်နှင်ဆိုတာလေးတွေးမိပါတယ်။

#Nyikyaw

သု ခီ ဟော ထ

09697867969